تازه د امریکا ولسمشر ډونالډ ټرمپ ویلي، تمه لري چې راتلونکې اونۍ په سویلي کوریا کې د چین له ولسمشر سره د لیدنې پرمهال د سوداګرۍ، سویابینو او اټومي وسلو په تړاو ځینو هوکړو ته ورسېږي.
د امازون شرکت د توکو د سپارلو وخت د کمولو لپاره په نوې هڅه کې د موټرچلوونکو لپاره ځانګړي ځيرکې عینکې او د مصنوعي ځیرکتیا او روباټیک پرمختللي سیستمونه پرانستلي. دا ټیکنالوژي امازون د نوي پروګرام برخه ده، چې د تحویلۍ وروستۍ مرحله ګړندۍ کوي، چې د «وروستي ۱۰۰ گزه»په نوم پیژندل کیږي.
د امریکا ولسمشر ډونالډ ټرمپ د والسټریټ ژورنال د هغه راپور په غبرګون کې ویلي چې پکې د واشنګټن له لوري د اوکراین د توغندیزو بریدونو د محدودیتونو د لغوه کېدو ادعا شوې وه. ټرمپ ویلي: دا «خبر بې بنسټه او جعلي» دی.
ډونالډ ټرمپ وایي، د افغانستان د جګړې ناکام مدیریت او په امریکا کې له درغلیو د ډکو ټاکنو پایلو، پوتین ته پر اوکراین د یرغل انګېزه ورکړه. ټرمپ وایي، پوتین له پخوا غوښتل چې ټول اوکراین تر خپلې ولکې لاندې راولي، خو د ده د واکمنۍ پر مهال د سختو احتمالي پایلو له امله یې دا کار ونکړ.
د امریکا ولسمشر ډونالډ ټرمپ ویلي، چې د روسیې له ولسمشر ولادیمیر پوتین سره یې ټاکل شوې ناسته لغوه کړې، ځکه د نوموړي په وینا چې د دې ناستې په اړه پوتین ښه احساس نه درلوده.
د جرمني د لومړي وزیر مرستیال او د سوشلډیموکرات ګوند مشر لارس کلینګ بایل، د دغه هېواد د لومړي وزیر فریدرېښ مېرڅ د کډوالو ضد وروستیو څرګندونو په اړه سخت غبرګون ښودلی او ویلي یې دي، سیاستوال باید خلک د «موږ او هغوی» په دوو ډلو ونه ویشي.
په ایران کې د تلې میاشتې په اوږدو کې د درېیو افغانانو په ګډون ۲۸۰ کسان اعدام شوي دي. معلومات ښيي، چې یوازې د تلې میاشتې په ۲۹مه او ۳۰مه په ۲۴ ساعتونو کې شاوخوا ۲۸ زندانیان په بېلابېلو زندانونو کې اعدام شوي دي.
والسټریټ ژورنال ورځپانې خبر ورکړی، چې د امریکا متحده ایالاتو د هغو بندیزونو یوه مهمه برخه لغوه کړې چې د لوېدیځ له خوا اوکراین ته ورکړل شوي توغندي یې د روسیې د خاورې دننه د بریدونو لپاره محدود کړي وو.
اروپایي پارلمان د بشري حقونو لپاره د ۲۰۲۵ کال سخاروف جایزه دوو بندی خبریالانو ته ورکړه. انډریز پوچوبوټ د بېلاروس او مزیا اماګوبیلي د جورجیا اوسېدونکي دي، چې د ډیموکراسۍ او مدني ټولنې د دفاع لپاره یې هڅې کړي دي.
سویډن او اوکراین د اوږدمهاله پوځي همکارۍ یو تړون لاسلیک کړی چې له مخې به یې سټاکهولم تر ۱۵۰ پورې د سوېډن جوړې «ګریپن» جنګي الوتکې کیېف ته ورکړي.
د عدالت نړیوالې محکمې (ICJ) له اسراییل غوښتي چې د ملګرو ملتونو د مرستو پروګرامونو، په ځانګړې توګه د فلسطین د کډوالو د ملاتړ ادارې ته په غزه کې د فعالیت اجازه ورکړي او د غزې د اوسېدونکو بنسټیزې اړتیاوې پوره کړي.
د روسیې او امریکا متحده ایالاتو د ولسمشرانو د دویمې ناستې د ځنډېدو له اعلان یوه ورځ وروسته، روسیې اعلان وکړ چې د اتومې وسلو یو ستر پوځي تمرین یې ترسره کړی. ولادیمیر پوتین د چارشنبې په ورځ د روسیې د اټومي ځواکونو د تیاري ازموینه له نږدې څارلې ده.
ایراني چارواکو ویلي، چې ایران د ملګرو ملتونو د تازه اقتصادي بندیزونو له امله له سختو اقتصادي ستونزو سره لاس او ګرېوان دی. اقتصادي شنونکي وايي، چې د ایران حکومت د اقتصادي ټیکاو ساتلو لپاره محدود امکانات په لاس کې لري.
په یوګانډا کې د چهارشنبې په ورځ (د تلې ۳۰مه) د کامپالا او ګولو ترمنځ پر لویه لاره دوه بسونه ټکر شوي، چې له امله یې ۶۳ کسان مړه شوي او ځينې نور بیا ټپيان دي.
پر اوکراین د روسیې په تازه بریدونو کې د دوو ماشومانو په ګډون شپږ کسان وژل شوي او ورسره د یاد هېواد برېښنا هم پرې شوې ده. اوکرايني چارواکو ویلي، دغه بریدونه تر هغه وروسته شوي چې مسکو د اوربند وړاندیز رد کړ او د روسيې او امریکا د ولسمشرانو پلان شوې غونډه وځنډول شوه.
د امریکا ولسمشر ډونالډ ټرمپ ویلي، د هند لومړي وزیر نریندرا مودي ورسره ژمنه کړې چې له روسیې څخه به نور تېل نه پېري او له پاکستان سره د جګړې د مخینوي لپاره یې هم ورسره خبرې کړې دي.
رویټرز خبري اژانس نن چهارشنبه (د تلې ۳۰مه) خبر ورکړی، د ټرمپ او پوتین ترمنځ پلان شوې ناسته ځکه وځنډول شوه چې مسکو له اوکراین سره سملاسي اوربند رد کړ. سپینه ماڼۍ وایي، دغه غونډه به تر هغې وځنډول شي چې روسیه سملاسي اوربند ته چمتو نهشي.
چین اعلان کړی، چې له دغه هېواد سره د ټایوان بېرته یو ځای کېدو ۸۰مې کلیزې په مناسبت غونډه جوړوي. چین غواړي دغه مراسمو ته د ټایوان استازي هم راوبلي؛ خو ټایوان پر خپلو چارواکو بندیز لګولی او بیجېنګ تورنوي، چې دغه مراسم د خپلو سیاسي ګټو لپاره جوړوي.
د پاکستان د ترهګرۍ ضد ادارې خبر ورکړی، چې د بلوچستان په سبي (سيوۍ) کې د پاکستاني ځواکونو سره په نښته کې ۵ وسلهوال وژل شوي دي. د ترهګرۍ ضد ادارې ویاند وايي، چې له وژل شويو وسلهوالو څخه ځینې وسلې، مهمات، نقشې او نور اسناد هم نیول شوي دي.
د امریکا ولسمشر ډونالډ ټرمپ په غزه کې د سولې هڅې ګړندۍ کړې او په غزه کې نازک حالت ته په کتو د اوربند د راتلونکو پړاوونو لپاره یې پر حماس فشار ډېر کړی او ترې غوښتي یې دي، چې وسلې پر ځمکه کېږدي.
د سعودي عربستان په مشرۍ ګډو سمندري ځواکونو په عربي سمندر کې د نږدې یو میلیارډ ډالرو په ارزښت ناقانونه نشه يي توکي نیولي دي. په نیول شویو توکو کې ۲ټنه او ۳۵۰ کیلوګرامه کرسټال مېټ او ۵۰ کیلوګرامه کوکاین شامل دي.
د ملګرو ملتونو د خوړو پروګرام د سیمهییزو اړیکو مشرې عبیر عتیفې د سېشنبې په ورځ (د تلې ۲۹مه) وویل، تر اوسه یې نږدې ۷ زره ټُنه خوراکي توکي غزې ته رسولي، خو لا هم ډېرو مرستو ته اړتیا ده.