نړۍ

د نایجریا په مرکزي برخو کې د سختو بارانونو اوو ناڅاپ سېلابونو له امله لږ تر لږه ۱۵۰ کسان مړه شوي او لسګونه نور ټپیان شوي دي. د نایجریا د ناورین مدریت ادارې ویاند خبرداری ورکړی، چې ښايي د تلفاتو شمېر نور هم زیات شي.

د العربیه د راپور له مخې، شهزاده فیصل بن فرحان نن د شبنې په ورځ «د غبرګولي ۱۰مه» د یو لوړپوړي اقتصادي پلاوي په مشرۍ د سوریې پلازمېنې دمشق ته رسیدلی.

د هند یوه لوړ پوړي پوځي چارواکي په لومړي ځل تایید کړه، چې له پاکستان سره د نښتو پر مهال یې جنګې الوتکي له لاسه ورکړې دي، خو د نسکورو شویو الوتکو شمېر یې نه دی په ډاګه کړی.

د فنلند د ملي امنیت پولیسوویلي، چې ایران د دې هېواد پر خاوره د خپلو سیاسي مخالفینو د تعقیب، جاسوسۍ او پټو فعالیتونو تر شا دی.

اسراییلي چارواکي وایي، چې د فلسطین په لوېدیځه غاړه رام الله ښار کې د عربي هېوادونو د وزیرانو پلان شوې غونډې ته به د ترسره کېدو اجازه ورنه کړي. ټاکل شوې ده، چې په دې غونډه کې د اردن، مصر، سعودي عربستان، قطر او متحده عربي اماراتو وزیران برخه واخلي.

د ډېموکراټ ګوند سناتورې جین شاهین او د جمهوري غوښتونکو سناتورې اولیزا مورکاوسکي د امریکا بهرنیو چارو وزیر په ګډون د کورني امنیت وزیر ته په یوه استول شوي لیک کې د افغان کډوالو د موقت مېشتېدو پروګرام د لغوه کېدو پرېکړه «ستر تاریخي خیانت» بللی دی.

د هند د دفاع وزیر راج نات سېنګ وایي، چې له دې وروسته به د هند سمندري ځواک د پاکستان د هر ډول احتمالي برید په وړاندې د نوي ډیلي د ځواب ورکولو قومانده په غاړه لري.

د ملګرو ملتونو د بشري چارو د همغږۍ دفتر (اوچا) غزه «د ځمکې پر مخ تر ټولو له لوږې سره مخ سیمې» په توګه اعلان کړه او خبرداری یې ورکړ، چې د دغې سیمې ټول وګړي د قحطۍ له ګواښ سره مخ دی.

ډان ورځپاڼې د امريکا ولسمشر ډونالډ ټرمپ په حواله ويلي، چې د پاکستان یو دولتي پلاوی راتلونکې اوونۍ امريکا ته سفر کوي، څو د دواړو هېوادونو ترمنځ د سوداګريزو تعرفو (ګمرکي مالياتو) په اړه خبرې وکړي.

د بلوچستان د ازادۍ لپاره جنګیدونکي بلوڅ ازادۍ غوښتونکو (بي اېل اې) په یوه خبرپاڼه کې ادعا کړې، چې په یاد ایالت کې یې د سوراب په نوم ولسوالۍ مرکزي ښار له پاکستاني ځواکونو نیولی او د پاکستان ټول پوځي او ملکي اداري او مالي جوړښتونه یې ولکه کړي دي.

د امریکا ولسمشر ډونالډ ټرمپ په خپلو نویو څرګندونو کې وايي، دی باوري چې په غزه کې د اوربند لپاره د اسراییل او حماس ترمنځ هوکړه نږدې شوې او ښايي ډېر ژر اعلان شي.

ولسمشر ډونالډ ټرمپ د جمعې په ورځ په سپینه ماڼۍ کې له میلیاردر ایلن ماسک سره د هغه د استعفا په مناسبت رسمي ناسته وکړه. ماسک چې د حکومت د موثریت د څانګې مشر و، خپل دفتر پرېښود او بېرته خپلو خصوصي شرکتونو ته مخه کړه.

د ترکیې دولتي خبري اژانس اناډولو د راپور پر بنسټ، د دغه هېواد ولسمشر رجب طیب اردوغان د اسلامي هېوادونو ترمنځ د سوداګرۍ، پانګونې او مالي همکارۍ د پراختیا غوښتنه کړې ده.

د ګلف ټوډې ورځپاڼې د راپور پر بنسټ، د متحده عربي اماراتو مشر شېخ محمد بن زاید ال‌نهیان د دې لپاره د «حامد علي» په نوم د یوه قاضي د کړنې ستاینه کړې چې هغه یوې افغانې کورنۍ ته د اقامې د نه‌تمدید ۶۰ زره درهم جریمه بښلې ده.

د امریکا ولسمشر ډونالډ ټرمپ غواړي د چین له ولسمشر شي سره خبرې وکړي. ټرمپ ویلي: «زه باور لرم چې زه به له ولسمشر شي سره خبرې وکړم او هیله ده چې موږ دا موضوع حل کړو»

د امریکا ولسمشر ډونالډ ټرمپ د مې پر ۳۰مه وویل چې د روسیې له خوا د اوکراین پر ښارونو بریدونه، په داسې حال کې چې له کییف سره د سولې خبرې روانې وې، هغه ډېر حیران کړی.

د متحده‌ایالاتونو سترې محکمې د جمعې په ورځ د ډونالډ ټرمپ دولت ته اجازه ورکړه چې د ګڼ شمېر کډوالو لنډمهالی قانوني وضعیت پای ته ورسوي. دا پرېکړه د ونزویلا، کیوبا، هایتي او نیکاراګوا د هغو سلګونو زرو کډوالو پر ژوند اغېزه کوي چې دا مهال په امریکا کې اوسېږي.

د جرمني د بهرنيو چارو وزير، يوهان ويدفول، د جمعې په ورځ وويل چې هېواد به يې د غزې د بشري وضعيت پر بنسټ اسراییل ته د وسلو د نوي لېږد په اړه پرېکړه وکړي.