نړۍ

د هند پخوانی لومړی وزیر من موهن سنګ د ۹۲ کلونو په عمر د ورپېښې ناروغۍ له امله ومړ. من موهن سنګ له ۲۰۰۴ څخه تر ۲۰۱۴ کال پورې د هند لومړی وزیر و.

اسراییلي پوځ وویل، چې د پنجشنبې په ورځ یې په یمن کې د صنعا نړۍوال هوايي ډګر او د لویدیځ ساحل په اوږدو کې د درې بندرونو په ګډون په یمن کې د ایران پلوه حوثي وسله والو څو هدفونه په نښه کړي دي.

د روسيې د بهرنیوچارو وزير وایي، چې هېواد یې په اوکراین کې د جګړې د بندولو لپاره کمزوري اوربند ته لېواله نه دی، خو د یوې تلپاتې سولې لپاره دواړو لوریو ته قانون پلوه تړون غواړي، چې د روسيې او د هغې د ګاونډيانو امنیت تضمین کړي.

د غزې چارواکو د پنجشنبې په ورځ وویل چې د اسراییل په هوايي بریدونو کې نن پنجشنبه ۲۱ تنه وژل شوي.په دغو بریدونو کې اسراییل پنځه خبریالان هم په نښه کړي.

د پاکستان پوځ د چهارشنبې په ورځ وویل چې په سوېلي وزیرستان کې یې ۱۳ وسله وال وژلي دي. د پاکستان پوځ د عامه اړیکو دفتر وايي، دغه وسله وال د سوېلي وزيرستان په سره راغه سيمه کې د چاڼيزو عملياتو په ترڅ کې وژل شوي دي.

د جاپان هوايي شرکت (جاپان ایرلاینز) د پنجشنبې په ورځ وویل، چې پر شرکت یې سایبري برید شوی، چې په پایله کې یې د دغه شرکت د کورنيو او نړیۍوالو الوتنو سیسټم اغېزمن شوی. د جاپان ایرلاینز د پنجشنبې په ورځ د الوتنو لپاره د ټکټونو پلور هم ځنډولی.

د رویټرز خبري اژانس د راپور له مخې، د غزې روغتیايي چارواکو ویلي، چې پر غزې د اسراییل په تازه بریدونو کې د پنځو خبریالانو په ګډون لږ تر لږه ۱۰ کسان وژل شوي او لسګونه نور ټپیان شوي دي.

د خیبرپښتونخوا د اطلاعاتو وزیر محمد علي سیف په کورمه کې د درملو د کموالي له امله د ۱۰۰ ماشومانو د مړینې خبرونه دروغ بللي دي. تر دې وړاندې د کورمې یوه ځايي چارواکي اغا مزمل ويلي و، چې د لارو بندېدو له امله له ۱۰۰ زيات ماشومان مړه شوي.

حماس ویلي، چې د اسراییل له‌خوا وضع شوي نوي شرطونه په غزه کې د اوربند تړون ځنډوي. د حماس له‌خوا په خپور شوي بيان كې ويلي شوي، چې دغې ډلې د قطر او مصر په منځګړيتوب د اوربند په خبرو كې نرمي ښودلې ده.

د افغانستان لپاره د امریکا پخوانی ځانګړی استازی زلمی خلیلزاد وایي، اذري الوتکه چې له باکو څخه ګروزني ته روانه وه د روسیې د بې پیلوټه الوتکو په برید کې نسکوره شوې ده. نوموړي پر اېکس پاڼه لیکلي، چې د پېښې قربانیان او د هغوی کورنۍ د «خپلواکې څېړنې» مستحق دي.

د هندي سینما (بالیووډ) پېژندل شوي فلمي ستوري عامر خان په دې وروستیو کې د خپلو پخوانیو 'بدو عادتونو' په اړه څرګندونې کړې دي.

د قزاقستان په اکتاو کې د اذربایجان د هوايي شرکت د یوې الوتکې د غورځېدو په پېښه کې ۳۸ تنه مړه شوي دي.

اېنډېپېنډنټ ورځپاڼې په خپل یوه راپور کې ویلي، چې له افغانستانه د امریکا او ناټو ځواکونو د وتلو پرمهال په افغانستان کې د ۷،۲ میلیارد ډالرو څخه ډېر پوځي تجهیزات پاتې شوي و.

د سوریې دولتي رسنۍ وايي، چې له لاریونونو وروسته پولیسو په حمص کې ګرځبندیز لګولی دی.

روسیې د چارشنبې په ورځ په داسې حال کې چې په کیېف کې کرسمس نمانځل کېده، د اوکراین د انرژۍ پر سیسټم د کروز او بالستیک توغندیو او بې پیلوټه الوتکو په مټ برید وکړ. د اوکراین ولسمشر ولادیمیر زیلېنسکي دغه برید غیر انساني بللی دی.

د قزاقستان د ترانسپورټ وزارت وایي، چې د اذربایجان یوه الوتکه د چهارشنبې په ورځ د اکتاو ښار ته څېرمه راپریوتې ده.

د پاکستان د لومړي وزیر سیاسي سلاکار رانا ثناالله، وایي، اسلام اباد به د پاکستان د پخواني لومړي وزیر عمران خان په خوشې کولو یا له هغه سره د خبرو اترو لپاره د امریکا د منتخب ولسمشر دونالډ ټرمپ هیڅ ډول فشار ته تسلیم نه شي.

په موزمبیق کې له تاوتریخوالي ډک لاریونونه وروسته له هغې پیل شول، چې یوې محکمې د واکمن ګوند مشر د دغه هېواد د اکتوبر میاشتې د جنجالي ټاکنو ګټونکی اعلان کړ.

د خیبر پښتونخوا په پاړه چنار کې ځایي خبریالان وایي له هغه مهاله چې د پاړه چنار او پیښور تر منځ لویه لاره بنده شوې ورسره د خوراکي توکو تر څنګ په روغتونونو کې هم دارو درمل کم شوي او ناروغان پر وخت روغتیایي مرکزونو ته نه شي رسیدلای.

د فلسطین د بیځایه شویو وګړو لپاره د ملګرو ملتونو د مرستو رسولو سازمان د سې شنبې په ورځ وویل چې د اسراییل له برید وروسته تر دې مهاله له ۱۴ زره او ۵۰۰ تنو زیات ماشومان وژل شوي دي. د دغه سازمان په خبره په هر یو ساعت کې یو ماشوم وژل کیږي.

اوکرایني چارواکو ویلي، چې د سې شنبه په ورځ د اوکراین په مرکزي ښار کریوي ریح کې پر یوې ودانۍ یو بالسټیک توغندی ولګېد، چې له امله یې یو کس ووژل شو او ۱۵تنه نور ټپیان شول. دغو چارواکو د څلورو کسانو روغتیایي حالت نازک بللی دی.

د تېر جمهوري نظام د پخواني ولسمشر حامد کرزي د دفتر پخواني رییس کریم خُرم په غزه کې د اسراییل بریدونو ته په غبرګون ویلي، چې د سوریې حالاتو د غزې غمیزه د خبرونو له سر ټکو غورځولې ده.

سعودي عربستان سږ کال ۳۳۰ مجرمین اعدام کړي، چې دا په څو لسیزو کې تر ټولو لوړه شمېره ده. د دغه هېواد حاکم محمد بن سلمان په ۲۰۲۲ کې ادعا کړې وه، چې د اعدام سزا یې پرته د قتل له قضیو له منځه وړې ده.

په غزه کې د اسراییل په تازه برېدونو کې د یوې ښځې په ګډون ۷ کسان وژل شوي او نږدې ۲۳ نور ټپیان دي. روغتیايي چارواکي وايي، اسراییل د غزې په شمال کې د العودا او کمال عدوان پر روغتونونو بریدونه کړي، چې له امله یې شل کسان ټپیان شوي دي

د دسمبر په ۲۱ د پښتونخوا د ملکي او پوځي مقاماتو په اصطلاح اوچتې کمیټۍ یا Apex Committee پیښور کې تصمیم ونیو چې د خیبر ضلعې په تیراه او د بنو په جانی خیلو کې د ځینی ځایونو میشت خلک به په موقته توګه د خپلو کلیو او کورونو نه کډه شي، چې امنیتي ادارې دغلته تصفیوي پوځي عملیات وکړي.

د پاکستان لومړی وزیر د دغه هېواد اټومي پروګرام په هکله د واشنګټن اندېښنو ته ځواب کې وايي، دا پروګرام د سوله ییزو موخو لپاره دى او پرې هيڅ جوړجاړي به و نه کړي. شهباز شریف وايي ٢٤٠ ميليونه پاکستاني په دې یوه خوله دي، چې اټومي پروګرام یې د ځاني دفاع لپاره دی او د هيچا پر ضد نه دی.

د افغانستان لپاره د پاکستان ځانګړی استازی وايي په کابل کې یې د طالبانو د بهرنیو چارو له وزیر سره کتلي او په سیمه کې یې د دوه اړخیزو همکاریو او امن پر لا پیاوړتیا موافقه کړې ده. محمد صادق د سې شنبې په ورځ په ایکس کې لیکلي چې هغه د امیر خان متقي سره "پراخ بحثونه" کړي دي.

د هانګ کانګ پولیسو نن د ډیموکراسۍ د شپږو بهرمیشتو هانګ کانګي فعالانو پر سر ۱۳۰ زره امریکایي یا یو میلیون هانګ کانګي ډالره جایزه اعلان کړه.

د خیبر پښتونخوا ایالت د خیبر ولسوالۍ پولیسو د پښتون قومي جرګې مخکښ غړي ملک نصیرخان کوکي خېل په ګډون درې غړي نیولي دي.

په ترکیه کې د بالیکسیر ښار په یوه فابریکه کې د چاودیدونکو توکو د تولید پر مهال یوه زوروره چاودنه شوې چې ۱۲ تنه یې وژلي او پنځه تنه یې ټپیان کړي دي.

د امریکا د مرکزي قومندې دفتر سنتکام ویلي، چې په هغه کره برید کې چې د سوریې په دیرالزور سیمه کې یې کړی، د داعش دوه تنه غړي یې وژلي او یو بل یې ټپي کړی دی.

د روسیې او تاجکستان ولسمشران ولادیمیر پوتین او امام علي رحمان، د سې شنبې په ورځ د (مرغومي په څلورمه) په سينټ پيټرزبورګ (لیننګراد) کې سره خبرې کوي.

د افغانستان د سولې په چارو کې د امریکا پخوانی استازی زلمی خلیلزاد د امریکا له حکومته غواړي چې پر پاکستان دې فشارونه زیات کړي، چې له تحریک انصاف ګوند سره پخپل چلند کې نرمښت راولي.

د پاکستان د بهرنیو چارو وزارت ویاندې ممتاز زهرا بلوڅ ویلي، چې د پاکستان د امنیت پرېکړه به په خپله د پاکستان خلک کوي.

یوې سرچینې رویټرز ته ویلي، چې د د امریکا د منتخب ولسمشر ډونالډ ټرمپ د لېږد ټیم پلان لري، چې متحده ایالات سمدستي له نړۍوال روغتیایي سازمان څخه وباسي.