سپورت

نن په متحده عربي اماراتو کې د افغانستان په کوربه‌توبه د افغانستان، پاکستان او متحده عربي اماراتو د کرېکټ ملي لوبډلو ترمنځ د درې اړخیزې لوبلړۍ لومړۍ لوبه د افغانستان او پاکستان د لوبډلو ترمنځ ترسره کېږي. د لوبې پچه پاکستان وګټله او لومړۍ یې د توپ وهنه پرېکړه وکړه.

د افغانستان کرېکټ ملي لوبډله سبا ماښام د درې اړخیزې لوبلړۍ په لومړۍ لوبه کې د پاکستان پر وړاندې ډګر ته ښکته کېږي. دغه سیالۍ به د شارجې په کرېکټ لوبغالي کې ترسره شي.

د ۲۰۲۵کال کافا جام سیالۍ به سبا جمعه (د وږي په ۷مه نېټه) د افغانستان او ایران د فوټبال ملي لوبډلو ترمنځ په لوبې سره پیل شي. دغه لوبه به د مازیګر په ۴:۳۰ بجو د تاجکستان د حصار په مرکزي لوبغالي کې پیل شي.

د افغانستان کرېکټ بورډ اعلان وکړ، چې د ایرلنډ کرېکټ ملي لوبډلې پخوانی الراونډر جان موني یې د افغان ملي لوبډلې د ډګر ساتنې د نوي روزونکي او استرالیايی نیرملان تنابالزینګم یې د ملي لوبډلې د نوي فزیوتراپېسټ په توګه ګومارلي دي.

د طالبانو تر واک لاندې د المپیک، بدني روزنې او سپورټ عمومي ریاست خبر ورکړی، چې د ننګرهار ولایت په تورخم ښارګوټي کې د ۲۴ لوبډلو ترمنځ د ټېپ بال کرېکټ سيالۍ پیل شوې دي.

د مرکزي اسیا د اتلولۍ په کافا جام سیالیو کې چې تر راتلونکو دوو ورځو (د اګسټ په ۲۹مه) د تاجکستان په کوربه‌توب پیلېږي؛ لومړۍ لوبه یې د افغانستان او ایران د فوټبال ملي لوبډلو ترمنځ ده.

د طالبانو تر کنټرول لاندې د المپيک، بدني روزنې او ورزش عمومي ریاست په یوې خبرپاڼه کې ویلي، چې د دغه ریاست مسوولینو له یوه کمکي افغان فوټبالر سیزر هاروني سره کتلي او د ملاتړ ډاډ یې ورکړی دی.

د المپيک، بدني روزنې او د ورزش عمومي رياست اړوند د لامبو وهنې ملي فدراسيون له لوري د ۱۲۰ لامبو وهونکو ترمنځ د لامبو وهنې ټاکنيزې سيالۍ وشوې.

د افغانستان د ازادو مبارزاتو لوبغاړي باز محمد مبارز د لومړي ځل لپاره په موی ټای څانګه کې نن ماخوستن د سیالۍ ډګر ته ښکته شو او خپل ایران الاصل بحریني سیال ته یې ماتې ورکړه.

دغه سیالۍ چې په فرانسه کې د بېلابیلو ورزشي رشتو د لوبغاړو ترمنځ ترسره شوې، زکي وطن دوست او مرتضی احمدي په‌کې د افغانستان په استازولۍ او د ښځو د ملاتړ په موخه ګډون کړی دی.

د افغانستان کرېکټ بورډ ویلي، چې په اکټوبر میاشت کې د بنګله دېش کرېکټ ملي لوبډلې سره د درې یو ورځنیو او درې شل اوریزو سیالیو لوبلړۍ کوربه توب کوي.درې شل اوریزې لوبې د متحده عربي اماراتو په شارجه کرېکټ لوبغالي کې او درې یو ورځنۍ لوبې د ابوظبۍ په زاید کرېکټ لوبغالي کې ترسره کېږي.

د افغانستان کرېکټ بورډ خبر ورکړ چې په متحده عربي اماراتو کې د ترسره کېدونکي اسیایي جام سیالیو لپاره یې ۱۷ لوبغاړي په عمومي او۳ نور په احتیاطي نوملړ کې شامل کړي دي. راشد خان به د دې لوبډلې مشري کوي او د وفیع‌الله تره‌خېل په نوم تازه دمی ځوان هم لوبډلې کې ځای شو دی.

د افغانستان- پاکستان او متحده‌ عربي اماراتو تر منځ د کرېکېټ درې‌اړخیزه سیالیو پیل ته د ګوتو په شمار ورځې پاتې دي. ټاکل شوې چې دا سیالۍ د روانې اګسټ میاشتې پر ۲۹مه په شارجه کې پیل شي او د راتلونکې سپټمبر میاشتې تر ۷مې نېټې دوام وکړي.

د افغانستان د بدن ښکلا درېیو لوبغاړو د اسیا په ۵۷م پړاو سیالیو کې د برونزو مډالونه د افغانستان په نوم کړل.

د پکتیا په مرکز ګردیز ښار کې د ۵۰ ورزشکارانو ترمنځ د جوجیتسو سیالۍ وشوې چې په پایله کې د دغه ولاین د منتخبې لوبډلې لپاره ۱۰ ورزشکاران غوره شول.

په پنجشېر کې د یووالي جام تر سرلیک لاندې د والیبال سیالۍ چې د ۲۸ لوبډلو تر منځ پیل شوې وې، د جمعې په ورځ د «جوانان دره» لوبډلې په اتلولۍ سره پای ته ورسېدې.

د غازي امان الله خان الف لېست کرېکټ سیالیو په درېیمه لوبه کې بند امیر لوبډلې سپین غر لوبډلې ته د ۵ وېکټو په توپیر ماتې ورکړه. کرکټ بورډ وایي، سبا به د یادو سیالیو په لړ کې څلورمه لوبه د بُست او امو لوبډلو تر منځ ترسره شي.

د کرېکټ نړېوالې شورا په تازه درجه بندۍ کې د افغانستان کرېکټ دوه پياوړي لوبغاړي عظمت الله عمرزی او محمدنبي عیسی خېل د غوره الراونډراو په لیکه کې لومړی او دویم ځای ساتلی دی. دواړو افغان لوبغاړو په غبرګولي میاشت کې دغه مقامونه ترلاسه کړي.