سپورت

نيوزيلنډ کرېکټ لوبډلې په پنځمه شل اوره لوبه کې پاکستان ته په ۸ ويکټو ماته ورکړه او د پنځو سیاليو لوبلړۍ يې په خپل نوم کړه. په دې پنځه شل اوره لوبلړۍ کې ۴ سيالۍ کوربه نيوزيلنډ او یوه پاکستان کرېکټ لوبډلې ګټلې.

د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بینېټ په نړیوالو سیالیو کې د جلاوطنه افغان ښځینه فوټبالرانو د ګډون غوښتنه وکړه. هغه د فوټبال نړیوال فدراسیون (فیفا) څخه وغوښتل چې د طالبانو د سیستماتیک جنسیتي تبعیض پر وړاندې قوي دریځ ونیسي.

د بښنې نړۍوال سازمان د یو راپور په خپرولو سره د فوټبال له نړۍوال فدراسیون «فیفا» غوښتنه کړې، چې په جلاوطنۍ کې د افغان ښځینه‌و فوټبال لوبډله په رسمیت وپېژني او ملاتړ یې وکړي.

د بښنې نړیوال سازمان او د بشري حقونو د څار بنسټ وايي چې د فیفا نړیوال سازمان دې په جلاوطنۍ کې د افغان مېرمنو فوټبال لوبډله په رسمیت وپېژنې او مرسته دې ورسره وکړي. د طالبانو بیا ځلي راتګ سره د افغان مېرمنو د فوټبال لوبډله د فوټبال له بېلابیلو پړاوونو اېستل شوې ده.

د افغانستان فوټبال ملي لوبډلې د ۲۰۲۷ کال اسیایي جام ته د غوراوي په لومړۍ سيالۍ کې له میانمار څخه دوه پر یو ماته وخوړه. دغه لوبه د میانمار په يانګون ښار کې تر سره شوه.

د ټاک سپورټ رسنۍ د خبر له مخې، د ډاکه کرېکټ غوره لیک سیالیو د لوبې پر مهال د بنګله دیش د ملي لوبډلې پر پخواني کپتان تمیم اقبال د زړه حمله راغلې چې د چورلکې په وسیله روغتون ته لېږدول شوی او اوس روغ دی.

د افغانستان کرېکټ بورډ او د ابوظبي کرېکټ او ورزشي کمپلکس ترمنځ د دوه اړخیزو همکاریو رسمي تړون لاسلیک شو، چې له مخې به یې افغان کرېکټ بورډ ته د ابوظبي ورزشي کمپلکس په کرېکټ لوبغالو، روزنځایونو او نورو خدماتو کې له لګښتونو پرته د افغانستان کرېکټ ټولو ملي لوبډلو ته خدمتونه برابرېږي.

د افغانستان کرېکټ بورډ د غوراوي کمېټې له ایرلنډ او سریلانکا الف لوبډلو سره د درې اړخیزې لوبلړۍ لپاره د دروېش رسولي په لوبډلمشرۍ د افغان ابدالیان لوبډلې نوملړ اعلان کړ. په دغه لوبلړۍ کې ۷ یو ورځنۍ او دوه څلور ورځنۍ سیالۍ کېږي.

د ۲۰۲۵کال د هند کرېکټ غوره لیګ سیالیو په خپلې لومړۍ لوبه کې افغان لوبغاړي نور احمد لکڼوال تېرماښام ممبیي انډینز پر وړاندې خپله لوبډله بریا ته ورسوله.

د افغانستان کرېکټ بورډ د مېرویس نیکه جام د زونونو په کچه د کورنیو سیالیو مهال وېش اعلان کړ. دغه سیالۍ د راتلونکې میاشتې د اپرېل په پنځمه نېټه په ننګرهار ولایت کې پیلېږي.

د تکواندو لوبې افغان لوبغاړي فرزاد منصوري پرون په انګلستان کې د G1 او نړۍوالو سیالو په منفي ۸۰ وزن لوبو کې د پرله پسې څلورو بریاوو په ترلاسه کولو سره د دغو سیالیو اتل شو او ورسره د غوره تکواندوکارانو په نړۍوال نوملړ کې یې ۷م مقام ترلاسه کړ.

د هند غوره لیګ یا ای پي ایل سیالۍ نن د رویالزچلینجر بنګلور او کلکته نایټ رایډرز لوبډلو په لوبه پیل شوx. د دغه لیګ د پرانیستې مراسمو کې د بالیوډ فلمي ستوري شاهرخ خان او مشهور سندرغاړو ګډون کړی و.

د اسیا د ۲۰۲۵ کال ساحلي فوټبال جام کې افغانستان خپله لومړۍ لوبه کې ۷ پر یو له متحده عربي اماراتو ماته وخوړه. دغه سيالۍ د تايلنډ په کوربتوب پيل شوې او افغان لوبډله په دریم ګروپ کې د متحده عربي اماراتو، ایران او اندونیزيا سره سیالۍ لري.

د نيوزيلنډ او پاکستان د کرېکټ لوبډلو د ۵ شل اوره لوبلړۍ دريمه سيالي پاکستان د ۹ ويکټو په توپير وګټله. د دې لوبلړې دوه مخکنۍ سیالۍ کوربه نیوزيلنډ ګټلې وې او څلورمه لوبه د راتلونکې یکشنبې په ورځ کيږي.

د المان د وزن پورته کولو سیالۍ چې د یکشنبې په ورځ (د کب ۲۶مه) د شلسویک ښار په کوربتوب ترسره شوې، د افغان کډوالو ټیم درې د سرو زرو او یو د برونزو مډالونه وګټل.

د هند د کرېکټ ملي لوبډلې مشهور توپ وهونکی ویرات کوهلي ویلي، چې تر اوسه یې لا له نړیوال کرېکټ څخه د تقاعد په اړه فکر نه دی کړی. کوهلي وايي، غواړي خپلو لوبو ته دوام ورکړي.

د تکواندو د کډوالو نړۍوال فډراسیون وایي، چې د دغه فډراسیون یوه افغان لوبغاړي د اوپن بلجیم د تکواندو په سیالیو کې د سپینو زرو مډال ګټلی دی.

د پاکستان دولتي راډیو راپور ورکړی، چې د دغه هېواد د ټینس ځوانانو لوبډلې په ډویس جام کې اندیونیزیا ته په ماتې ورکولو سره د ۲۰۲۵ کال اتلولي په خپل نوم کړه. پاکستان دې بري سره د اسیا ځوانانو جام ته لار پیدا کړه.