سپورت

د افغانستان د تکواندو فدراسیون اعلان کړی، چې د تکواندو لوبغاړي تر سختو تمرینونو وروسته د تکواندو د اتلولۍ په نړۍوالو سیالیو کې د ګډون لپاره چې تر راتلونکو دوو ورځو په چین کې پیلېږي؛ په بشپړ ډول چمتو دي.

د افغانستان د فوټبال ملي فډراسیون خبر ورکړی، چې د ۱۷ کلنو فوټسال ۱۴ کسیزه ملي لوبډله او ورسره اته کسیز پلاوی د ۲۰۲۵ کال د اسیايي سیالیو درېیم پړاو کې د ګډون لپاره بحرین ته روان شو.

د افغانستان د ۱۹‌کلنو کرېکټ ملي لوبډله د بنګله‌دېش د ۱۹ کلنو ملي لوبډلې پر وړاندې پنځه یو ورځنۍ لوبې لري. دغه لوبې به د روانې اکتوبر میاشتې په ۲۸مه نېټه پیل او د نومبر تر ۹مې نېټې به د بنګله‌دېش په کوربه‌توب ترسره شي.

د ازادو سیالیو افغان لوبغاړی احمد ولي هوتک د «WTKF» نړۍوال سازمان د اتلولۍ کمربند ترلاسه کولو لپاره له خپل روسي سیال ارسن پارکخوګاجیف سره لوبه کوي. دغه سیالۍ به د راتلونکې لړم میاشتې په لومړۍ نېټه د بېلاروس په پلازمېنه مېنسک ښار کې ترسره شي.

د افغانستان کرېکټ بورډ د زمبابوې پروړاندې د یوې ټېسټ او درېیو شل اوریزو سیالیو لپاره د لوبغاړو نوملړ اعلان کړ. کرېکټ بورډ ویلي، چې دغه سیالۍ به د اکټوبر له ۲۰مې د نومبر تر ۲مې نېټې پورې په هرارې ورزشي لوبغالي کې ترسره شي.

د افغانستان د فوټبال ملي لوبډلې نن ماښام له پاکستان سره لوبه ۱-۱ مساوي کړه او ورسره دواړه هېوادونه د ۲۰۲۷ کال د اسیا ملتونو جام د لار موندنې په موخه له مخته تګه پاتې شول.

د افغانستان کرېکټ بورډ وایي، چې د هېواد ملي لوبډلې د اتصالات جام په درېیمه او وروستۍ یو ورځنۍ لوبه کې د زړه راښکونکې او برلاسې لوبې له لارې د بنګله‌دېش ملي لوبډلې ته د ۲۰۰منډو په توپیر ماته ورکړه.

د یو ورځنیو لوبو لړۍ په درېیمه او وروستۍ لوبه کې به نن افغان لوبډله د بنګله‌دېش پر وړاندې د لوبو ډګر ته ښکته شي. دغه لوبه به د افغانستان په وخت له غرمې وروسته په ۳:۰۰ بجو په متحده عربي اماراتو کې پیل شي.

افغانستان په دویمه یو ورځنۍ لوبه کې بنګله‌دېش ته د ۸۱ منډو په توپير ماتې ورکړه او دویمه سیالۍ یې هم وګټله. د ابراهیم ځدراڼ غوره توپوهنې او د راشد خان بریالۍ توپ‌اچونې افغان لوبډله بریا ته ورسوله.

د افغانستان او بنګله دېش د کرېکټ ملي لوبډلو ترمنځ د دویمې یو ورځنۍ لوبې پچه افغان لوبډلې وګتله او لومړۍ توپ وهنه کوي. د افغانستان د پنځوس اوریزو لوبو لوبډلمشر حشمت الله شاهدي ویلي په لوبډلې کې یې کوم بدلون نه دی راوستی.

د افغانستان او بنګله دېش ترمنځ د یو ورځنیو لوبو د روان سریز دویمه لوبه نن د ابوظبۍ په شیخ زاید کرېکټ لوبغالي کې ترسره کېږي.

د افغانستان فوټبال ملي لوبډله چې د‌ پاکستاني حکومت له لوري د ویزو ورکړې له څو ورځني ځنډ سره مخ شوې وه؛ بالاخره اسلام‌اباد ته رسېدلې ده. افغان لوبډله به د ۲۰۲۷کال د اسیایي ملتونو جام مقدماتي سیالیو په ترڅ کې د پاکستان ملي لوبډلې سره مخ شي.

د بلومبرګ خبري اژانس د راپور له‌مخې، د فوټبال ستوری کرېتسیانو رونالډو د فوټبال په تاریخ کې لومړنی لوبغاړی شو، چې خپل نوم یې د میلیاردر فوټبالر په توګه ثبت کړ. د دغې رسنۍ د ارزونو له‌مخې، د دغه پرتګالي ۴۰ کلن ستوري د خالصې شتمنۍ ارزښت ۱ اعشاریه ۴ میلیارد ډالرو ته رسېږي.

افغان کرېکټ ملي لوبډلې د درېیو یو ورځنیو سیالیو د لوبلړۍ په لومړۍ لوبه کې بنګله‌دېش لوبډلې ته ماتې ورکړه. افغان اتلانو د بنګله‌دېش له لوري ورکړل شوی د ۲۲۲ منډو هدف ترلاسه او ورسره یو د صفر پر وړاندې مخکې شول. دغه سیالۍ د چهارشنبې په مازدیګر پیل او تر نیمې شپې یې دوام وکړ.

افغان ورو توپ اچوونکي راشدخان نن د چهارشنبې په ورځ، د بنګله دېش کرېکټ ملي لوبډلې په وړاندې په توپ اچوونه کې درې ویکټې واخیستې او په دې سره لومړنی افغان توپ اچوونکی شو، چې په یو ورځنیو سیالیو کې یې ۲۰۲ ویکټې بشپړې کړې.

د بنګله‌دېش او افغانستان د کرېکټ لوبډلو ترمنځ د درېیو شل‌اوره سیالیو لړۍ په وروستۍ لوبه کې هم افغان لوبډلې د ۶ ویکټو په توپیر ماتې وخوړه. بنګله‌دېش لوبډلې د درې شل‌اوره سیالیو لړۍ په ۳-۰ خپل نوم کړه.

د طالبانو د المپيک، بدني روزنې او سپورټ اداره وايي چې په بلخ کې ۱۶ ټیمونو ترمنځ د تنکیو ځوانانو د فوټبال سیالۍ د خالد لوبډلې په اتلولۍ پای ته ورسېدې.

د افغانستان او بنګله‌دېش د کرېکټ ملي لوبډلو ترمنځ د شل اوریزو او یو ورځنیو لوبو لړۍ په دوېیمه لوبه کې هم بنګله‌دېش افغانستان ته ماتې ورکړه.